Search
Saturday 17 November 2018
  • :
  • :

sidee ayaad shaqadaada uga dhigi kartaa mid wax soo saar badan

sidee ayaad  shaqadaada uga dhigi kartaa mid wax soo saar badan
Follow
( 0 Followers )
X

Follow

E-mail : *

qofka kasta wuxu jecel yahay inuu noqdo mid xasiloon oo degan isla markaana shaqadiisa sidii la rabay u guta si uu noqdo qof la isku halayn karo ,laakiin dad ka qaar  ayaa jaahil ka ah tilmaamaha ugu muhiimsan ee ka caawin karta inuu shaqaddiisa sida ugu fiican u guto.

sidaasi daraadeed maqaalkan ayaanu idiinku soo badhigeynaa tilmaamo iyo talooyin kaa dhigeysa qof ku guuleysan kara shaqadiisa .

shqqo

1. Gooni u sooc jadwalka shaqadaada maalinle ah

in aad jadwalkaaga shaqada u qoondeyso  waqtiyo   gaar  ah  waa shayga ugu badan ee kaa caawinaya in ay shaqadaadu noqoto mid wax soo saar badan ,

marka hore xulo shaqooyinka muhiim ka ee ay tahay in maalin fuliso ka dib cayin waqtiga aad ku qabanayso ,nidaamkani haddaad raacdo waa hubaal inaad u  fulinayso shaqooyinkaaga sidii ugu wanaagsanyd uguna dhakhsaha badan sidoo kale waxaad awood u yeelanaysaa inaad ogaato xadiga shaqo ee aad qaban karto iyo inta aanad qaban karin maalintii.

2. Liis u samee shaqooyinka ay tahay inaad qabato ,naftaadana abaal mari marka aad dhamayso.

qor oo liis geli shaqo kasta marka aad dhamayso ,habaynta noocani waxay kugu dhiirigelinaysaa inaad shaqooyinka u heelanaato isla markaana aad si dhakhso ah u qabato ,markaad dhowr shaqo qabato jooji shaqada naftaadana sii waqti ay ku nasato kuna raaxeysato sidoo kale cab shaah ama koffee ama cabitaanada kale ee ay naftaadu door biddo  waqti aad nasanayso waa inay ahaataa toban daqiiqo ilaa rubuc saac .

3. ka fogow dhammaan waxkasta oo ka mashquuliya shaqadaada.

markaad ka fogaato dhamaan waxyaabaha ka mashquulinaya shaqadaada waxa keliya  ee aad diirada ku haynayso waa shaqadaada ,tusaale ahaan haddaad moobilkaaga  ka hesho farriimo badan ama wacitaano badan waxa fiican inaad aad damiso moobilka  si aanay shaqada kaaga mashquulin tana waxay kaa caawinaysaa inaad shaqadaada u dhamayso sidii la rabay iyo waqtigii kuu qoondaysnaa.

4. dooro waqtiga aad shaqada ugu badan qabanaysid maalin kasta

ugu dambayn waa inaad ogaataa waqtiga aad ugu firfircoon tahay suurto galna ay tahay inaad qaban karto shaqooyin badan .dad badan ayaa aaminsan  in subaxa hore  illaa duhurka  ay tahay inay qabtaan shaqada u badan .laakiin haddaad dareemeyso waqtiyo kale oo aad firfircoontahay sida galabti waad qaban karta shaqadaada inta u badan.

hadaba ogow inay shaqadaadu noqoto mid wax soo saar badan kuma xidhna dadaal iyo howl badan balse waxay ku xidhantahay nidaam iyo tartiib aad siiso shaqadaada kuwa ugu muhiimsan waa inaad ugu hor qabataa . sidaasi daraadeed waa inaad bedeshaa qaabka aad u shaqeyso hadda ka dib.

waxa qorey: maxamed maxamud sardheeye

xuquuqda :bahda aqoonkaab

info@aqoonkaab.com



Maxamed Maxamud Sardheeye waa Qoraa wax badan ka qorey arrimaha bulshada , caafimaadka , arrimaha islaamka iyo wararka Technologiyada waxa uu ku Takhasusey culuumka computerka gaar ahaan qaybaha web developerska iyo networking .


Leave a Reply

Your email address will not be published.