Search
Tuesday 11 December 2018
  • :
  • :

Waa maxay waji saliidka?

Waa maxay waji saliidka?
Follow
( 0 Followers )
X

Follow

E-mail : *

Wajiga saliida leh dad badan ayaa ka sheegta, khaasatan markii qofku wajiga ku yeesho findoob ama haaro.

Eebe wuxuu oogada bini aadanka ku abuuray qanjidho howshoodu ay tahay inay soo daayaan saliid si ay u subkaan maqaarka sare, loogana hortago kor qallaylka.
Qanjidhadaas oo loo yaqaano “Sebaceous glands”, saliida ay soo saaraana waxaa loo yaqaanaa “Sebum”, hadii qanjidhadaasi si saa’id ah u shaqeeyaan qofka wuxuu yeesha maqaar saliiddu ku badan tahay khaas ahaan wajiga.

Maxaa keena Waji Saliidka?

  • Dhaxal: dadka ugu badan waxay arrintaan ugu dhacdaa dhaxal ahaan, kuwaasoo ku dhasho qanjidh saliid firfircoon.
  • Welwelka: wuxuu kiciyaa qanjidhada saliida.
  • Isbadallada hormoonka: waxay keentaa in saliid soo saarista qanjidhada ay badato ama wajiga ay ka soo yaacaan finan, waxaana xaaladaan la dareemaa xilliga caadada, kadibna way baaba’daa.
  • Safarka: qofka galo safarrada badan, una kala goosho wadamo kala duwan cimilladooda waxay keentaa in maqaarkiisu uu saliida ku bato.
  • Daawooyinka la isku qurxiyo, qaar badan oo ka mid ah waxay keenaan waji saliid.
  • Daawada looga hortago uurka, waxay keenaan waji saliidka
  • Nafaqo darrida, waxay keentaa waji saliidka.
  • Hawada sumaysan ama magaalooyinka ay warshadaha ku badan yihiin dadka ku nool waxay u bataan waji ku saliidlayaal.

Maxay dhibaato ah ayuu keenaa waji saliidka?
Dhibaatada ugu badan waa in wajiga uu yeesho nabro ama haaro kuwaas oo si dhakhso ah u faafi karo,

Sidee looga hortagaa waji saliidka? ama lagu yareeyaa?

  • Jooji waji dhaqista badan: tan waa qaladka ugu horreeya ee  lagu dhaco, dadku waxay aaminsan yihin hadduu qofka uu wajiga maydho in badan in saliiddu ay yaraanayso, waa caksi, saliidda waa sii badataan, marka waxaa wajigaaga maydhaa labo jeer kaliya, markaa soo kacdid iyo markaa seexanayso, taasoo dareensiinayso qanjidhka saliidda in baahi wayn aysan jirin.
  • Ku maydh wajigaaga biyo diirran: qaladka labaad waa in wajigaaga aad ku maydhaa biyo kulul ama qabow, taasoo labadoodaba wajiga qallajiya, hadduu qalleel yimaadana saliidu waa imaanaysaa.
  • Haddii aad wajigaaga saliid ka dareento, ku tirtir maro khafiif ah oo jilcan oo wajigaaga aanan dhaawacaynin aad u qallajinaynin
  • Cabitaanka badso: cabitaanka badan waxuu jirka ka ilaaliyaa qallaylka, wuxuuna hoos u dhigaa shaqada qanjirrada saliidda soo saaro, ogow haddii biyo cabitaankaagu uu yar yahay, saliida way jiraysaa. Akhriso faa’idooyinka caafimaad ee laga dhaxlo biyo cabista badan:
  • Yarey sonkorta, cusbada, dufanka iyo cunnada shiilan: kullamaa cuntada aad cunayso ay caafimaad leedahay, kullamaa shaqada jirkaagu uu dabiici yahay.
  • Ka fogow in aad isticmaasho waxyaabo ay ku jiraan saliid ama dufan oo wajiga la marsado.
  • Ka fogow sigaar cabista: sigaarku wuxuu cariiriyaa xididada dhiiga siiyo maqaarka, tan waxay keentaa kor qallayl iyo saliid badan.
  • Waxaa jiro waxyaabo badan oo dabiici ah oo ay dadka qaar sheegaan in ay wax iskaga garteen sida wajiga oo lagu tirtiro ama la mariyo khalka ama dheecaanka tufaaxa, malabka, karootada iyo waxyaabo kale oo badan.
  • Ku dadaal in aad hesho hurdo kugu filan, tan waa muhiim.

Haddii aad tahay waji ku saliidle, wixii talo ah oo aad wax iskaga garatay waa la wadaagi kartaa akhristayaasheena.

Qore: Cabdilaahi Cabdi Muuse (shicib)

Burco Somaliland